‘వర్క్ప్లేస్లో ఇలా గెలవండి’ పుస్తకంలో జతచేసిన వ్యాసాల ఇండెక్స్ ఇది. ప్రతి వ్యాసానికీ వివరణ కూడా చదవొచ్చు.
1) కొత్త ఉద్యోగానికి వెళ్లేముందు
కొత్తగా ఉద్యోగంలో చేరే ఉద్యోగి ఆఫీసుకు వెళ్లే ముందే తెలుసుకోవాల్సిన పలు అంశాలు, వ్యవహరించాల్సిన పద్ధతులపై ఈ వ్యాసం సమాచారమిస్తుంది.
2) ఆఫీసును ఎలా అర్థం చేసుకోవాలి?
భిన్న మనస్తత్వాలు, వ్యవహార శైలులు వుండే వర్క్ప్లేస్ను విధి నిర్వహణ కోణం నుంచి, వ్యక్తిగత కోణం నుంచి ఎలా అర్థం చేసుకోవాలో ఈ వ్యాసం సవివరంగా సూచిస్తుంది.
3) ఉద్యోగం తొలి రోజుల్లో …
కష్టపడి చదివి, ఇంటర్వ్యూలకు ప్రిపేర్ కావడం, అక్కడ గెలిచి ఉద్యోగం సాధించడం అంతా ఒక ఎత్తు. ఉద్యోగాన్ని నిలబెట్టుకోవడానికి వ్యవహరించే శైలి ఇంకో ఎత్తు. ఇందుకోసం అనుసరించాల్సిన పద్ధతులపై ఈ వ్యాసంలో 28 పాయింట్లలో విస్తృతమైన సమాచారం లభిస్తుంది.
4) పైనుంచి కిందికి, కింది నుంచి పైకి
ఉద్యోగంలో హైయరార్కీని ఎలా అర్థం చేసుకోవాలి, వర్క్ప్లేస్ను ఎలా ఉపయోగించుకోవాలో ఈ వ్యాసంలో తెలుసుకోవచ్చు.
5) ఉద్యోగం – మీ కోణం నుంచి !
ఉద్యోగాన్ని మీ కోణం నుంచి ఎలా అర్థం చేసుకోవాలి, మీ సామర్థ్యాలను రుజువు చేసుకునే ప్లాట్ఫారంగా దీనినెలా రూపొందించుకోవాలో ఈ వ్యాసం ద్వారా తెలుసుకోవచ్చు.
6) ఉద్యోగం – కంపెనీ కోణం నుంచి !
ఉద్యోగాన్ని కంపెనీ కోణం నుంచి ఎలా అర్థం చేసుకోవాలి, ఒక కంపెనీ ఏర్పాటు వెనుక వుండే సాధక బాధకాల గురించి ఈ వ్యాసం మీకు సమాచారమిస్తుంది. కంపెనీని కాపాడుకోవడం ద్వారా మీ ఉద్యోగావకాశాలను ఎలా మెరుగుపరచుకోవచ్చో ఈ వ్యాసంలో తెలుసుకోవచ్చు.
7) జస్ట్కీ, బెస్ట్కీ మధ్య
పనిచేసేచోట ప్రతిభను గుర్తించడానికి అనేక పారామీటర్లుంటాయి. వీటి ప్రకారం మీరు బెస్ట్ ఉద్యోగిగా వుంటారా, జస్ట్ ఉద్యోగిగా వుంటారో నిర్ణయించుకోవడానికి ఈ వ్యాసంలోని సమాచారం మీకు ఉపయోగపడుతుంది.
8) తొలి రోజుల అనుభవాలు రికార్డు చేయండి
ఉద్యోగంలో చేరిన తొలిరోజుల్లో ఎవరికివారు కొన్ని స్వీయ ప్రమాణాలను నిర్దేశించుకోవడం ద్వారా వర్క్ప్లేస్లో ఎలా గెలుపు సాధించాలో ఈ భాగంలో వివరంగా తెలుసుకోవచ్చు. మీ అనుభవాలను భవిష్యత్ కోసం ఉపయోగించుకోగల పలు మార్గాలను ఈ వ్యాసం సూచిస్తుంది.
9) మీ బాస్ మిమ్మల్ని శహభాష్ అనాలంటే …?
ఆఫీస్ అంటేనే పదిమంది కలిసి ఉమ్మడిగా అవుట్పుట్ ఇచ్చే చోటు. కంపెనీ మీకిచ్చిన బాధ్యతలు, ఆదేశాలను సమర్థవంతంగా పాటించడం, మంచి ఫలితాలను సాధించడం ఎలాగో ఈ వ్యాసం మీకు సమగ్రంగా వివరిస్తుంది. మీ బాస్ మిమ్మల్ని శహభాష్ అనేలా మిమ్మల్ని మీరు ఎలా రూపొందించుకోవాలో పది పాయింట్లలో విపులంగా చదవండి.
10) స్థిరమైన ఉద్యోగాలకు త్రిసూత్రాలు
ఉద్యోగం చేయడం వేరు, దానిని స్థిరంగా వుండేలా కాపాడుకోవడం వేరు. మీ ఉద్యోగాన్ని మీరు స్థిరంగా కొనసాగించడానికి ఉపయోగపడే మూడు (త్రి)సూత్రాలను ఈ వ్యాసం ద్వారా తెలుసుకోవచ్చు.
11) ఈ ఆరు లక్షణాలూ వుంటే మీరే సాలిడ్ వర్కర్
వాడు సాలిడ్రా – ఈ కామెంట్ చాలా ఆఫీసుల్లో వింటుంటాం. ఈ పొగడ్తను దక్కించుకున్న మనిషికి సబ్జెక్ట్, పని పద్ధతులు, ఇతర అన్ని విషయాల్లో మంచి పట్టుందని అర్థం. మీరు కూడా ఇలా సాలిడ్ వర్కర్గా మారడానికి మీకుండాల్సిన ఆరు లక్షణాలను ఈ వ్యాసం తెలియజేస్తుంది.
12) ‘వినడం’ ప్రాధాన్యత గుర్తించండి
వినే లక్షణం వున్నవాడు పైకొస్తాడు – పెద్దవారి నోటినుంచి ఈ మాట చాలాసార్లు వినివుంటాం కదా! ఈ ‘వినే లక్షణం’ వర్క్ప్లేస్లో మీకెంత బాగా ఉపయోగపడుతుందో ఈ వ్యాసం చదివి తెలుసుకోవచ్చు.
13) ఆఫీసు రూల్స్ను అర్థం చేసుకోండి
వర్క్ప్లేస్లో గెలవాలంటే మీ ఆఫీసు రూల్స్ & రెగ్యులేషన్స్ను అర్థం చేసుకోవడం అతి ముఖ్యం. పనిచేసే ప్రతిచోటా మీ ముద్ర స్పష్టంగా కనిపించాలంటే మీ ఆఫీసును స్పష్టంగా అర్థం చేసుకోవడం ఒక్కటే మార్గం. ఇందుకు పనికొచ్చే పలు అంశాలు ఈ వ్యాసం నుంచి తెలుసుకోవచ్చు.
14) హెచ్ఆర్ టీమ్తో మెరుగైన సంబంధాలు
మీ ఉద్యోగ వ్యవహారాల్ని నిర్వహించే మానవవనరుల విభాగంతో మంచి ఉద్యోగ సంబంధాలు ఎలా ఏర్పరచుకోవాలో, నిర్వహించుకోవాలో ఈ వ్యాసంలో చదవండి.
15) అవకాశాలు సృష్టించుకుంటేనే టాప్లో నిలుస్తారు
వర్క్ప్లేస్లో మీకంటూ సరికొత్త అవకాశాల్ని ఎలా సృష్టించుకోవాలి, నాయకత్వ లక్షణాలతో ఎలా పైకి ఎదగాలో సూచించే పూర్తి సమాచారాన్ని ఈ వ్యాసం మీకందిస్తుంది.
16) ఆఫీసు రాజకీయాల్ని ఎదుర్కోవడం ఎలా?
ఆఫీసు రాజకీయాలను అర్థం చేసుకోవడం అంటే – తమ బలాలు బలహీనతలను నెగటివ్ కోణం నుంచి ఉపయోగించుకునే మనుషుల్ని అర్థం చేసుకోవడం అని చెప్పొచ్చు.వీటిని ఎలా ఎదుర్కోవాలి, ఉద్యోగ జీవితాన్ని ఎలా సాఫీగా ముందుకు నడిపించుకోవాలో ఈ వ్యాసంలో సవివరంగా తెలుసుకోవచ్చు.
17) ఉద్యోగ సంబంధాల్లో పరిమితులు
కలిసి పనిచేసే చోట ఉద్యోగుల మధ్య ఎలాంటి సంబంధాలుండాలి, ఉద్యోగ సంబంధాల్లో పరిమితులెలా పాటించాలి మొదలైన పలు సున్నితమైన అంశాలపై ఈ వ్యాసం మీకు అనేక సూచనలు, సలహాలు అందిస్తుంది.
18) ఉద్యోగంలో ఒత్తిళ్లను ఇలా అధిగమించండి
వర్క్ప్లేస్ అంటే పలు ఒత్తిళ్లను ఎదుర్కోవాల్సివచ్చే స్థలమని అర్థం చేసుకోవాల్సివస్తోంది. ఒత్తిళ్లను ఎదుర్కోలేక ఉద్యోగాలు మానేసే ఉద్యోగులనూ చూస్తుంటాం. ఉద్యోగులు అన్నిరకాల ఒత్తిళ్లను విజయవంతంగా ఎదుర్కోవడానికి కీలకంగా ఉపయోగపడే పలు అంశాలను 18 పేజీల ఈ పెద్ద అధ్యాయంలో వివరంగా చదవండి. (రచయిత పర్సనల్ బ్లాగ్లో ఈ వ్యాసాన్ని ఆరు వారాలపాటు వుంచితే, 2.80 లక్షల మంది చదివారు).
19) వర్క్ప్లేస్లో క్యారెక్టర్ను కాపాడుకోవడం ఎలా?
వర్క్ప్లేస్లో మీ హుందాతనాన్ని కాపాడుకోవడం ద్వారా మీ ఉద్యోగాన్ని స్థిరంగా కొనసాగించుకోవడం, సహోద్యోగుల మధ్య మంచి గౌరవం పొందడానికి మీ క్యారెక్టర్ ఎలా ఉపయోగపడుతుందో ఈ వ్యాసం తెలియజేస్తుంది.
20) భాష, సంస్కృతుల్ని అడ్డంకులుగా చూడకండి
ప్రపంచీకరణ (గ్లోబలైజేషన్) పుణ్యమా అని మారుతున్న కాలమాన పరిస్థితుల్లో ఉద్యోగులు వర్క్ప్లేస్లలో ఎదుర్కొంటున్న భాష, సాంస్కృతిక వైరుధ్యాలను ఎలా అర్థం చేసుకోవాలి, మీ కెరియర్ను బలోపేతం చేసుకోవడానికి వీటిని ఎలా ఉపయోగించుకోవాలో పలు సూచనలను ఈ భాగం నుంచి పొందవచ్చు.
21) వర్క్ప్లేస్లో వైరుధ్యాలను ఎదుర్కోవడమెలా?
భిన్న మనస్తత్వాలు, పనిచేసే పద్ధతులు కలిగివుండే వర్క్ప్లేస్లో వైరుధ్యాలను సమర్థవంతంగా ఎదుర్కోవడం ద్వారా మీ బాధ్యతలు మీరు సక్రమంగా ఎలా పూర్తిచేసుకోవాలో ఈ భాగంలో చదవండి.
22) సోషల్ మీడియా పరిమితుల్ని గుర్తించండి
సోషల్ మీడియా ప్రభావం విస్తృతంగా పెరుగుతున్న ఈ రోజుల్లో మీ ఉద్యోగ బాధ్యతలకు దీనినుంచి ముప్పు రాకుండా జాగ్రత్తపడేందుకు ఈ వ్యాసం మీకెంతో సాయపడుతుంది.
23) నలుగురిలో మిమ్మల్ని గెలిపించే ‘ఓపెన్ కమ్యూనికేషన్’
వర్క్ప్లేస్లో ఓపెన్ కమ్యూనికేషన్ విధానాలు మీకు ఎంత మేలు చేస్తాయో ఈ వ్యాసంలో తెలుసుకోండి. పలు ఓపెన్ కమ్యూనికేషన్ విధానాలు, వాటిని పాటించే పద్ధతుల్ని కూడా చదవండి.
24) మీ ఉద్యోగం పోగొట్టగల 15 కారణాలు
ఉద్యోగం నిలబెట్టుకోవడానికి చాలా పద్ధతులుంటాయి. పోగొట్టడానికి ఉపయోగపడే కారణాలేముంటాయి? ఈ వ్యాసంలో మీరు ఉద్యోగం పోగొట్టుకోవడానికి ఉపయోగపడే 15 కారణాలను వివరంగా చదవండి. వీటిని జాగ్రత్తగా మేనేజ్ చేయడం ద్వారా మీ ఉద్యోగాన్ని ఎలా కాపాడుకోవాలో మీరే నిర్ణయించుకోవచ్చు. (ఈ వ్యాసాన్ని కూడా ఈ పుస్తక రచయిత బ్లాగ్లో వుంచితే, ఆరు వారాల్లో 3.2 లక్షల మంది చదివారు).
25) మీకో మెంటర్ కావాలిప్పుడు !!
వర్క్ప్లేస్లో బాధ్యతగా వ్యవహరించడం, మీ తప్పొప్పులను ఎప్పటికప్పుడు బేరీజు వేసుకోవడం కోసం మీకో మెంటర్ వుండడం తప్పనిసరి. మెంటర్ను ఎలా ఎంచుకోవాలి, మెంటరింగ్ వల్ల కలిగే అనేక ప్రయోజనాల గురించి ఈ వ్యాసంలో వివరంగా చదవండి.
26) వర్క్ప్లేస్లో మహిళలు రాణించడానికి …
ఆకాశంలో సగం, అన్నింటా సగం అని విజయబావుటాను ఎగరేస్తున్న మహిళలు వర్క్ప్లేస్లో మంచి అవకాశాలు పొందడం, ఉద్యోగాల్లో రాణించడానికి ఈ వ్యాసం విలువైన సూచనలను అందిస్తుంది.
27) వర్క్ప్లేస్లో మహిళలకు రక్షణపై చట్టాలు
ఉద్యోగాలు చేస్తున్న మహిళలకు వర్క్ప్లేస్లలో భద్రత కల్పించే అంశాలపై ఈ వ్యాసం కీలకమైన సమాచారాన్నిస్తుంది. మీ వర్క్ప్లేస్లో మహిళల భద్రతకు ఎటువంటి అవకాశాలుండాలో తెలుసుకోవడానికి, హక్కుగా వాటిని ఇంప్లిమెంట్ చేయించుకోవడానికి కూడా ఈ వ్యాసం పనికొస్తుంది.
28) వర్క్ప్లేస్లో మహిళల భద్రత – విశాఖ గైడ్లైన్స్
మహిళా ఉద్యోగుల భద్రతకు సంబంధించి సుప్రీంకోర్టు విడుదల చేసిన మార్గదర్శకాలు చదవండి.
29) ఉద్యోగులకు న్యాయపరమైన సాయం కావాలంటే?
ఏ రంగంలో పనిచేస్తున్న ఉద్యోగులకైనా తమ విధుల నిర్వహణ, ప్రభుత్వ చట్టాలు, ఇతర అనేక అంశాలపై న్యాయపరమైన సమాచారం అవసరమవుతుంటుంది. వీటితోపాటు ఉద్యోగిగా వర్క్ప్లేస్లో వ్యక్తిగతంగా కూడా న్యాయసూచనల అవసరం ఏర్పడుతుంటుంది. ఇలాంటి సందర్భాల్లో ఎలా వ్యవహరించాలో ఈ వ్యాసం తెలియజేస్తుంది.
30) ఉద్యోగం మారాలనుకుంటున్నారా?
ఉద్యోగం మారడమంటే జీవితంలో ఇంకో మెట్టు ఎక్కడం. అయితే, ఉద్యోగం ఎందుకు మారాలి, మారాలనే నిర్ణయం వెనుక ఎలాంటి కారణాలుండాలి వంటి పలు అంశాల్ని వాస్తవిక కోణం నుంచి తెలుసుకోండి.
31) ఉద్యోగం మారే ముందు చేయాల్సిన పనులివీ!
ఉద్యోగం మారాలని నిర్ణయం తీసుకోవడం సులభమే! నిర్ణయం తరువాత కంపెనీతో ఎలా వ్యవహరించాలో ఈ వ్యాసంలో చదవండి.
32) భార్యాభర్తలు – ఆఫీసు బంధాలు
ఉద్యోగాలు చేస్తున్న భార్యాభర్తల మధ్య ఎలాంటి సఖ్యత వుంటే వారి ఉద్యోగ జీవితం, కుటుంబ జీవితం రెండూ సుఖప్రదంగా సాగుతాయో ఈ వ్యాసం వివరిస్తుంది. (ఈ వ్యాసాన్ని కూడా ఆరు వారాలపాటు రచయిత సొంత బ్లాగ్లో వుంచగా, 1.28 లక్షల మంది చదివారు).
33) సంపాదనకు ఇలా సేఫ్టీ ఇవ్వండి
కష్టపడి ఉద్యోగాలు చేసి సంపాదించే డబ్బుకు ఎలాంటి రక్షణ ఇవ్వాలి, మీ భవిష్యత్తుకు అనుగుణంగా వ్యవహరించాల్సిన ఆర్థిక నమూనాల గురించి ఈ వ్యాసం మీకు వివరిస్తుంది.
34) ఆఫీసులో వినోదం, విజ్ఞానం అవకాశాలు
ఉద్యోగం ఆడుతూ పాడుతూ చేసేది కాదు. కానీ, సీరియస్నెస్ పోగొట్టుకోకుండానే మీ వర్క్ప్లేస్లో ఫన్ & లెర్న్ విధానాలు ఎలా పాటించాలో ఈ వ్యాసం వివరిస్తుంది.
35) టోస్ట్మాస్టర్స్ – ప్రతిభను మరింత సానబెడతారు!
పబ్లిక్ స్పీకింగ్ అంశంపై ప్రపంచవ్యాప్తంగా కొన్ని కోట్లమందికి ఆలంబనగా నిలుస్తున్న టోస్ట్మాస్టర్స్ గురించి ఈ వ్యాసంలో చదవండి. మిమ్మల్ని మీరు ఒక మెరుగైన కమ్యూనికేటర్గా రూపొందించుకోవడం ద్వారా ఉద్యోగ జీవితంలో ఎలా గెలవాలో ఈ వ్యాసం పలు సూచనలిస్తుంది.
36) మీరూ ఎంటర్ప్రెన్యూర్ కావచ్చు … ఇలా!
కొన్నేళ్లపాటు ఉద్యోగాలు చేసిన తర్వాత ఎంటర్ప్రెన్యూర్గా మారాలనే ఆశ, ఆసక్తి చాలామందికి వుంటాయి. వీరికి ప్రోత్సాహాన్నివ్వడంతోపాటు ఎంటర్ప్రెన్యూర్షిప్కి వున్న అవకాశాలు, వ్యవహరించాల్సిన పద్ధతుల గురించి ఈ వ్యాసం ప్రభావవంతమైన సమాచారాన్నిస్తుంది.
పైన పేర్కొన్న అంశాలతోపాటు – ఉద్యోగం చేస్తూనే చదువుకునే పద్ధతులు, వర్క్ప్లేస్కి అనుగుణంగా మీ ఆరోగ్యాన్ని కాపాడుకోవడానికి ఉపయోగపడే అలైవమ్ పద్ధతి మొదలైన పలు అంశాలపై కూడా ఈ పుస్తకంలో మీకు విస్తృతమైన సమాచారాన్ని అందిస్తుంది.
————————————————————————-
ఈ విలువైన పుస్తకాన్ని పొందాలంటే ….
టైటిల్ః వర్క్ప్లేస్లో ఇలా గెలవండి. రచయితః సురేశ్ వెలుగూరి. పేజీలుః 192, ధరః రు.199.
ప్రింట్ కాపీలు ఆంధ్రప్రదేశ్, తెలంగాణ లోని ప్రముఖ బుక్స్టోర్స్ అన్నిచోట్లా లభిస్తాయి.
అమెజాన్, ఫ్లిప్కార్ట్, కోబో, కినిగె వంటి ప్రముఖ ఈబుక్ స్టోర్స్ నుంచి ఈ పుస్తకం ఎలక్ట్రానిక్ కాపీలు కొనుక్కోవచ్చు.
హైదరాబాద్ నగరం వరకూ ఉచితంగా పుస్తకాన్ని మీ ఇంటికి అందించే సదుపాయం ఏప్రిల్ 1, 2016 నుంచి అందుబాటులోకి వస్తుంది.
ఈ పుస్తకంలోని వ్యాసాల పరిచయాన్ని చదవాలంటే ఇక్కడ క్లిక్ చేయండి.
గుర్తుంచుకోండి, మీ ఉద్యోగ ప్రదేశంలో మిమ్మల్ని గెలిపించే కీలక సమాచారమంతా ఈ పుస్తకంలో వుంది. ఇది మీ దగ్గరుంటే మీరు నిర్భయంగా, నిరంతరాయంగా పనిచేసుకుంటూ వెళ్లిపోవచ్చు. ఏ రంగంలో పనిచేస్తున్నారనే దానితో సంబంధం లేకుండా … ప్రతి ఉద్యోగి వద్ద తప్పక వుండితీరాల్సిన పుస్తకం. మీ కాపీని నేడే ఆర్డర్ చేయండి. ఆల్ ది బెస్ట్.
Author’s blog: vmrgsuresh.wordpress.com
Follow Suresh on Facebook & Twitter: vmrgsuresh